He papahana nō hoʻi kēia ma lalo o kā UNESCO Decade of Indigenous Languages. E mālama ʻia ana kēia ʻaha kūkā ma ka ʻōlelo Hawaiʻi piha ma ka lā 2 a me ka lā 3 o Kepakemapa. ʻO ka pahuhopu nui o kēia ʻaha kūkā ʻōlelo Hawaiʻi, ʻo ia no ka wānana like ʻana o kākou a pau, nā mamo o kēia ʻōlelo aloha nui ʻia, i ka pono o kā kākou ʻōlelo ma kēia mua aku ma luna o kēia mau hua nui he ʻehā mai kā UNESCO palapala nui mai ʻo Global Action Plan of the IDIL2022-2032. Mahalo nui i ke kōmike kūikawā ma lalo o ka ʻAhahui ʻŌlelo Hawaiʻi me Kanaeokana no ka hoʻomākaukau ʻana i ia ʻaha kupaianaha.